تعليق 56

الاتحاد يصطدم بالنصر والشباب بالأهلي والهلال مع التعاون في كأس الأبطال

الاتحاد يصطدم بالنصر والشباب بالأهلي والهلال مع التعاون في كأس الأبطال
weam.co/47435

الرياض- الوئام: 

سحبت اليوم قرعة كأس خادم الحرمين الشريفين للأبطال في نسختها الرابعة حيث أوقعت القرعة عدة مواجهات حيث يلتقي الاتحاد بالنصر فيما يلتقي الشباب بالاهلي فيما أوقعت القرعة الهلال مع التعاون والاتفاق مع الوحدة وجاءت القرعة على النحو التالي :

دور الثمانية
الهلال – التعاون
الذهاب في أرض الهلال – الإياب في أرض التعاون

الاتحاد – النصر
الذهاب في أرض النصر – الإياب في أرض الاتحاد

الشباب – الأهلي
الذهاب في أرض الشباب – الإياب في أرض الأهلي

الاتفاق – الوحدة
الذهاب في أرض الوحدة – الإياب في أرض الاتفاق

دور الأربعة
الفائز من لقاء (الهلال – التعاون) يلتقي بالفائز من لقاء (الاتحاد – النصر) في دور الأربعة.
الذهاب في أرض الفائز من (الهلال والتعاون) والإياب في أرض الفائز من الاتحاد والنصر)

الفائز من لقاء (الشباب – الاهلي) يلتقي بالفائز من لقاء (الاتفاق – الوحدة)
الذهاب في أرض الفائز من (الاتفاق والوحدة) والإياب في أرض الفائز من (الشباب والأهلي)

 

التعليقات (٥٦) اضف تعليق

  1. ٥٦
    بيتر

    سبحان الله 

    كل الفرق مبارياتها قوية الا  نادي الدلال !!

    • ٥٥
      بدر

      يا اخي مباراة الاتحاد سهله … مباراة الاتفاق سهله … المباراه الي فيها تقارب مستويات و قويه الشباب و الاهلي :) و على فكره ماهو علشان الاتحاد صك النصر خمسه معناها ان الاتحاد قوي … لان الاتفاق فز على الاتحاد .. بس العيب من النصر …

      • ٥٤
        يزيد

        ما الومك يا بيتر زمانك خمستين في الموسم توجع ههههههه

        ومن الاتحاد اللي تشجعونه يا جمهور المسيار

        قسم بالله انواع اللخبطة … هو انك تشجع الاتحاد قدام الهلال الثلاثاء

        ثمن تلعب معه في كاس الابطال وهو معطيك خمسة … قمة الاحراج خخخخخخ

    • ٥٣
      sulaiman

      الحمدلله على نعمة العقل و الدين

      يا بيتر اظاهر ان عقلك مثل اسمك

      ((((( قرعة ))))) يا فقر

  2. ٥٢
    كلامك مردود عليك

    بالعكس مباراة الهلال مع التعاون قويه وانا بالنسبه لي النصر اسهل من التعاون كنت اتمنى مقابلة النصر ولا التعاون يا فقراوي

    • ٥١
      الحمد لله

      اقول يالمحليين والله مارفع راسكم غير الاجانب يالتعبانيين
      لا تغتروون بانفسكم 99 بالميه لعب الهلال بالاجانب والا انتو اصلن دايخين اعلام وخير بالنصب ويكفي الي مساندكم

  3. ٥٠
    ذهب عيار52

    والله النصر ياهو مسكين من جد، هو يلقاها من الهلال والاتحاد ولا ذوب هان ، يعني تخيلو لو فاز على ذوب هان راح يواجه الاتحاد بدوري الابطال، طيب تخيل فاز على الاتحاد راح يقابل الهلال،هههههههههههههههههههههه من جد وين يروح انا اقول احسن شي يسافرون  الى يو إس إي زيارة  لرئيسهم ويقول كيف نلعب ورئيسنا فيه قالون.

    • ٤٩
      كنتاكي

      اسمه قولون يازعيقي مو قالون صدق نادي زعيقيه

  4. ٤٨
    الاحمد

    ياخي وش ذا الهلال

    اجل مع التعاون خخخخخخخخخخخخخخخخخخ

    والله مايقهرك الا انهم واضحين مرة زي الشمس

    ولا احد يقدر يقول السلام عليكم

    فيه مثل شعبي عندنا يقول

    من يقدر يقول لبنت الامير …………        افهموها عاد 

    انشري ياوئام اذا فية حيادية  

  5. ٤٧
    ابوسليمان الهلالي

    بيتر
    مهوب شغلك
    كل شي تدخلون فيه عمكم
    خلك بفريقك يافقراوي

  6. ٤٦
    إتااااوي

    البطولة إتحادية وبنقابل الهلال في دور الأربعة وبندقه على خشمه

  7. ٤٥
    عزام الروقي

    مجموعه النصر قويه لكن الي بيبي الكاس يفوز على الكبار ويستاهل والعالمي قدها والكاس نصرواي باذن الله
    والي دافع ريال ياخذ عشرة

  8. ٤٤
    اهلاوي

    البطولة اهلاوية ان شاء الله

  9. ٤٣
    loyal

    افا افا افا
    هذي تاليتها
    نادي الدال مع العاون؟؟؟!!!

    ليه ما يعطوا نادي الدلال كاس وتلعب باقي الانديه على كاس ثاني.

    قال ايه قال 52 بطوله بمقياس زغبي
    لووووول

    • ٤٢
      ماجد الكاسر

      شالوا التعاون وحطوا الفيصلي مكانه

  10. ٤١
    بالتوفيق للزعيم قاهرهم

    بالتوفيق لزعيمهم

  11. ٤٠
    اهلاوي ملكي

    انا اهلاوي وابي اعرف حاجة وحدة الحين هذا الموسم الرابع لكاس الابطال ليش كل المواسم الهلال يكون مع الفرق الضعيفة ليش ليش ليش ؟؟؟؟؟ بعدين الموسم هذا ليش الهلا مو مع فريق قوي مثلاث الاهلي الشباب النصر الاتحاد او الاتفاق ليش مع التعاون الي اضعف فريق . كل يوم اقول اترك الكورة السعودية لكن مااقدر عشق الاهلي جنون

    • ٣٩
      دندون

      فريق قوى الاتحاد الشباب
      قلنا كويس
       
      اما الطحالب والفقراويه
      فريق قوى
      خخخخخخخخخ
      عليكم طلعات عندكم عقده من الفرق الاربعه الكبيره
      الهلال الاتحاد الشباب الاتفاق
       

  12. ٣٨
    كنوود

    للاسف الشديد عيب الفقراويين ان تفكيرهم محدود

    ياناس ياعالم ياهوووو هذي قرعه يعني مافيها مجاملة نادي على اخر

    واذا حضكم عاثر في البطولات وعاثر في القرعات لا تدخلونا في حظكم العاثر

    انا لله وانا اليه راجعون
    اللهم اجبر مصيبتهم

    • ٣٧
      أهلاوي الدلال

      تكذبوووون وتصدقووون كذبتكم ياناس القرعة تصدف مرة أو مرتين او او لكن عشرين ألف مرة مع أضعف فريق وباقي الفرق مع أقوى الشرسين لها
      يا شيخ طييييييييييييييييييير

  13. ٣٦
    هلالي ولكن بدون تعصب

    السلام عليكم ورحمة الله وبركاته…
    ياشباب والله ماله اي داعي التعصب  ,,وبعدين اللي عنده كلام يقوله بدون تعصب وبدون اي همجية سواء من جماهير نادي الهلال او غيرة
    مع تمنياتي للجميع بالتوفيق…
    اخوكم / العنزي.

  14. ٣٥
    بدر

    تعقيب للي ما يعرف … طريقة القرعه تقسيم الانديه الثمانيه لمجموعتين (الاربعه الاوائل مجموعه) و (الاربعه الباقين مجموعه) … و تسحب القرعه فريق من الاولى يلعب مع فريق من المجموعه الثانيه … فيا مشجعين النصر .. لو انكم شادين حيلكم و طلعتوا من الاربعه الاوائل كان لعبتوا مع الوحد او التعاون او الاهلي :)

  15. ٣٤
    السالم

    الزعيق ابو حضين
     
     

  16. ٣٣
    ابوريمان

    بصراااااااحة عليك حظ ايها العميد
    انت واجهت الاسهل

    والخمسة مضمونة رايح جاي

    واتمنى التوفيق  لجميع الفرق

    ومتى نرى القرعة تبتسم للنصر
    ويبتعد عن مواجهة العميد والزعيم والليث
    لأنهم عقد ازلية

    يعني بالاحلام تاخذ بطولة بدون ماتواجه الثلاث الكبار

  17. ٣٢
    هلالي

    اعجبني العنوان الاتحاد يصطدم بالنصر
    والمسكين النصر بين الهلال والاتحاد وذوب اهان
    المفروض لاعبين النصر يعتزلون اللعب مؤقتا
    تقديرا لازمتهم

  18. ٣١
    سكوود

    يااخوان لاتتعبون انفسكم وتتصايحون والبطوله خلاص محسومه مالها الا رجالها البطولة شبابيه

  19. ٣٠
    بدر

    للمعلوميه.. فريق التعاون (فريق سهل) لم يستطع نادي النصر الفوز عليه هذا الموسم :)

  20. ٢٩
    صريح بقوه

    الصراحه مع اني نصراوي بس النصر دائما ماكلها في القرعه

    الان بيلعب مع ذوبهان واذا فاز نعمه النفسيه بتكون حلوه
    اذا انهزم  اعتبروا النصر راح يرجع 5 سنين ورى لان فيصل بن تركي بيطق صدره كالعاده ولو تهور الاستقاله افضل له
    بيجي الاتحاد مع اني اعتبره فريق سهل بس المدرب خرب التشكيله وقلب الطاسه
    الهلال فريق لا يختلف عليه اثنين ولكن العالمي قدها

    ما اقول الى الله يعين

  21. ٢٨
    زعيم غصب

    اول شي كلكم مو فااهمين كيف تتم القرعة يا شباااب هدوووء انفسكم اعرررفووو انه الاول بالدوري له ميزاااات كماااان الثاني مع الخاااامس معروووفه
    بعدين الهلال عم الجمممميع

  22. ٢٧
    مان يونايتد

    واللى يرحم والديكم لاتكوون مباراه النصر والاتحاد يوم السبت تكفووووون يالربع نهائي الابطال يوم السبت

  23. ٢٦
    سعيد مشخص الهذيلي البقمي

    اسأل الله سبحانه وتعالى وفي هذه الساعة المباركة أن تكون هذه البطولة من نصيب نادي النصر ؛ لتكون بداية العودة للأمجاد والتاريخ العريق لهذا النادي الكبير

  24. ٢٥
    شرق الرياض

    ياصاحب التعليق رقم13 انا اشك انك فقراوي لان انعدام الثقافة الرياضية من صفاتهم  لان من المعلوم مسبقا ان اصحاب المراكز الاربعة الاولى يقابلون الاربعة الباقين       للتذكير فقط في كاس ولي العهد الاخيرة كان الهلال اصعب طريقا بالذات من الفريق اللي معتقد كل اللجان ضده    من زين العقل

  25. ٢٤
    رجل من الخيال

    وعلى نياتكم ترزقون الهلالين قلوبهم بيضاءصافيه لكن النصراويين من كثرالحقداللي في قلوبهم وين مايطقونهاعوجه حتى بالقرعه هههه

  26. ٢٣
    سبحان الله وبحمده

    كرتييييييين بارده يعني للهلال والتعاون وافهمي ياجارة

  27. ٢٢
    الحربي

    ياخي سهله القرعه اصلا عبارة عن كرات وهناك كرتين باردة هي التعاون والهلال واللي بيسحب قالوا له اسحب الكرات البارده مع بعض

  28. ٢١
    علاوي

    كل الفرق الثمانية تستحق اللعب بكأس الأبطال , واللي يقول إن الهلال محظوظ فهو ما يعرف السكري زين , وأنا أجزم يقينا أن التعاون أقوى من الأهلي والوحدة , ثم كيف تقولون محظوظ والهلال لو فاز على التعاون راح يقابل الفائز من الاتحاد والنصر , يعني بينه وبين البطولة دور الأربعة , فإذا كان فريقكم قوي أيها المنتدقون فالهلال جايكم في الطريق فأوقفوه , واللي يفوز على الزعيم يستاهل ونصفق له بكل جدارة , أما المهايط والكلام الفاضي فهو اللي مدهور بعض ناس من عام إلى عام ومن زنقة إلى زنقة .
    والسلام .

  29. ٢٠
    ابو زكي

    نادي الدلال سوف يقابل التعاون وفي الرياض قرعه غريبه عجيبه

  30. ١٩
    نصراوي قهران من عبدالغني

    ياخي سهله القرعه فيها كورتين بارده الملمس لانهم حاطينها في الثلاجة وهي عباره عن الهلال والتعاون واللي بيسحب قالوا له اسحب الكورالبارده مع بعض هههههههه اهم شي يانصر حسين لايلعب هالمباراه وربي انه عله ونكبة الفريق بكل مباراه مع الاتحاد

  31. ١٨
    نصراويقهران من عبدالغني

    تفسير منطقي للقرعه <<< ياخي القرعه فيها كور بارده من الثلاجة عالقرعه وهي كرات الهلال والتعاون وقالوا للي بيسحب القرعه الكرات الباردة اسحبها مع بعض ماعلينا نبي الاتحاد بس اهم شي حسين مايلعب هالمباراه لانه سبب نكبة النصر في كل مباراه قدام الاتحاد

  32. ١٧
    نصراوي هاوي

    ماباقي الايعطون الكاس لنادي الدلال

  33. ١٦
    خالد-هلااااالي

    هالحين صار الهلال يقابل الفرق السهله؟؟؟

    العام واللي قبله أول مباراة هذيك كانت السهله والدليل موقف العالمي يقولون وش ذا الحظ ليش دايم نقابل الهلال أكيد إستقصاد!!!

    ما عرفنالكم!!!

  34. ١٥
    عبودى

    ياجماعة الخير حطو بيضتين فى الفريزه من البارح وحده هلال والاخرى تعاون وسحبت الاول طلعت هلال طيب يقابل من سحبت الثانيه البارده طلعت تعاون والبقه تزحف بلحظ

  35. ١٤
    احب بلادي

    يا اخي ما يحتاج نضحك على بعض ونقول قرعة

    نرتب الفرق علني والهلال يلعب على النهائي بدون مباريات

    فيه فكرة لو قالوا بطل الدوري يلعب على النهائي ترا افضل من قرعتكم هذه

  36. ١٣
    مطبوخه يا اتحادنا

    الى كل زعيقي  ومنهم فيصل عبد الهادي واللي معاه  الشغله واضحه  مطبوخه مطبوخه  وبالثلاجه من امس قال ايش قال قرعه وربي ماعندكم غير الزعيق نادي الدلال ولايوم اخذها بجدارته  .قلنا الاتحاد السعودي بيتطور والظاهر انه  من جرف في دحديرا ..اما الخمسه فاذا نحن ع الخمسه غيرنا اكلها بالعشرة في اسبوع واحد من الشارقه ومن الاهلي والمصيبه الاعظم ثمانيه صفر من توتنهام ,لكن ما الومكم ماتعرفون غير للزعيق

  37. ١٢
    nasrawy

    ياللي نبحت انبح ولا احدا براعيك …اطمس سنا وجه الحقيقه معك طمس ….تقدر تدووووس الموج الازرق برجليك …ومحاااااال تلمس يدك طرف من الشمس …..(اهداء لكل زعيقي على باله ماااااخذ الجو)

  38. ١١
    هـــــــــادئ

    يأخي انا والله اشوف ردود شي عجب الهلال ليه مايلعب الأ مع فريق ضعيف
    طيب الهلال إذا فاز على التعاون راح يأخذ الكاس ………. شي عجب
    الهلال راح يقابل الفائز من الأتحاد والنصر وممكن يصتطدم بالأهلى او الشباب أو الإتفاق
    هذا الي مخلي الهلال الاول في كل شي الناس الي تتباعه وتنسى فريقها
    انا اهلاوي واتمنى ان هذه الطوله العوده الحقيقيه للأهلى لأحتكار البطولات  لأن الاهلي محتاج بطوله
    زي هذه لو يحققها فيه كلام ثاني

  39. ١٠
    ابو ريـــــــان

    ياحظ العميد بيسجل تاريخيه ثاني مره علي التوالي
    مسكين نادي الفقر وين مايطقها عوجه
    لاكن الطريقه  الاحسن الا يلعب بها الفقر 1-10-0-0
    علشان تكون النتيجه اقل من الخمسه
    لاكن ابشر بسعدك يافقراوي رغم انك ماتستاهل غير بأذن الله ناخذ بثارك من  الضباع (جعار) في الأولأ والثانيه
    وبخماسيه سواي في شباك زايد او بخد نور 

    يا هلال مايهزك ريح

  40. ٩
    فيصل بن أحمد

    طبخه وطبخوها  .. الدلال يلاقي الفرق الضعيفه دائماً ويا سبحان الله يهالقرعه اللي 4 مواسم ورى بعض الدلال يلاقي فرق ضعيفه 

    هذي قرعة حسب الله والا قرعة مين بالضبط ؟

  41. ٨
    مراقب امن وسلامة بجامعة القصيم

    عطوها الهلال وخلونا نتنافس على المرتبة الثانية

  42. ٧
    هلالي وما ينخاف عليه

    هههههههههههههههههههههههههههههههههههههههههههههههههههههههههههههههههههههههههههههههههههههههههه
    هو الفقراوية يلاقيها من البطولة الداخلية والا الخارجية في الداخلية مع الاندية الكبار وبالخارجية مع ذوب أهان
    أقول الزبدة انه اذا الزعيم فاز في الأسيوية ع الاتي فهو كأس الملك مووو واصل للنهائي يا دوب دور الاربعة
    وعندي أمل بالله هااااااا السنة انوو الهلال فائز ما راح يخسر  وراح يوصل لنهائي الاسيوية بالتوفيق يا زعيم الاندية
    ويا الفقراوية دقووووا رؤؤسكـــــــم بالخمسة هع هع هع

  43. ٦
    احبك يا هلال

    بعض الفقراويه يقول عطو الهلال الكاس وحنا  ننافس علي المركز الثاني 

    ونتو قدرتو تاخذو المركز الثاني  ولله عيب عليكم بعد الخمسه باقي تتكلمون

  44. ٥
    ما عندك احد

    جوالي الجديد بمناسبة الخمسات في النصر هو
    0نصر نصر369نصرنصر0

  45. ٤
    غليص ولد رماح

    مابقى الا الفقراويه يتكلمون

    شوفو عام 2008

    كأس خادم الحرمين الشريفين للأبطال 2007-2008

    النصر قابل الحزم والحزم طلع النصر

    وعام 2009 النصر قابل الهلال واكلها من عمه الزعيم

    وعام 2010 النصر تاهل على حساب الاهلي زاكلها من عمه الزعيم خمسسسسسه

    وهذا للتذكير وشكرا للوئام

  46. ٣
    الخطوة الواثقة

    كالعادة الكرة الموضوعة في الثلاجة لعبت دور كبير في وضع الزعيق أمام الفرق السهلة000

  47. ٢
    هلاليه ودمها خفيف

    بالتووووووووووفيق للزززززززززززززززعيم كنت اتمنى نقابل الفقر عشان نعطيهم خمسه مثل الموسم الماضي هههههههههههههههههههههه بس من الحين اقول لكم يافقراوايين طالعين من بدري والنهائي يكون ان شاء الله بين الهلال والاتحاد او بين الهلال والشباب

  48. ١
    عساف الاهلاوي

    البطوله ان شاء الله اهلاويه