تعليقات 4

المورقي في قصيدة للوطن: احبك واعشق ترابك قسم بالله.. وانا كلي طموح افديك بسنيني

المورقي في قصيدة للوطن: احبك واعشق ترابك قسم بالله.. وانا كلي طموح افديك بسنيني
weam.co/484192
الرياض- الوئام:

في يوم ذكرى توحيد البلاد على يد المؤسس رحمه الله الذي تم فيه نبذ الفرقة والتعصب ومابين جمال الماضي والحاضر الأجمل الزاخر بكل تقدم وشموخ ووحده وتلاحم في ظل مسيرة ثابته ومتزنه وازدهار اقتصادي وتجديداً للمحبة والولاء لهذا الوطن الشامخ وحكامه سطرت الأقلام ماتكنه القلوب بهذه القصيدة للشاعر توفيق بن سالم المورقي بعنوان المملكة دام عزها وأمنها وحفظ الله قائدها الملك سلمان وولي عهده الامين الامير محمد بن سلمان .

 

احبك واعشق ترابك قسم بالله
وانا كلي طموح افديك بسنيني

مادام انك رحيبه بالفرح وغناه
تعالي دوك شعري لاتخليني

عيونك غير وايامك تقول رغاه
رغاة المصغر اللي فالمزاييني

ضحا وجهك يبين للعمى مخطاه
وشمسك تحرق كبود المعاديني

وسيعة صدر للعالم تبين رضاه
ولو يطعنك ماقلتي له منيني

كريمه تجبرين اللي شكا بلواه
رحيمه بالضعوف وفاالمساكيني

تحملتي كثير ولاطلبتي جاه
وجاهك واصل ديار البعيديني

 

عيالك جندك اللي يردعون أعداه
ياكم حاسد تعب ماجابلك شيني

تعالي جربي وادعيه واجنداه
يلبي لك من العشرين عشريني

يحبك قايدك سلمان كثر دعاه
وكثر اللي لرب البيت داعيني

عسى ربي يمد بصحته وخطاه
عسى ربي يعزه قولوا اميني

وحبك عزك محمد شبيه أباه
ومن شابه أباه يجيلك معيني

وقف واعطا سخا والعفو من مرباه
وقال إلك الفحي حزنك وضميني

هذا الحازم ولد حازم هذا منجاه
بعد ربي هذا يقضي لك الديني

وريث ملوك سعد اللي نصاه وجاه
هذا قاهرك ياوقتٍ معنيني

انا ذيبك وذيبك جر صوت عواه
ودمتي وانتي تغنين ياعيني

احب المملكه والشعر في معناه
انا عاشق وطن والفخر ماليني

تويتر : tawfeeq14@

التعليقات (٤) اضف تعليق

  1. ٤
    تاج المراجل

    نرجو ان نطور مسى للمسؤليات والوضائف مثلا هناك شيخ قبيله او غير ذلك نعطي مثلا وظيفه اسمها تاج المراجل لشخص او رجل مثلا نذر نفسه لاحقاق الحقوق وكذلك لتصفيه صدور الناس وتنقيه الشوائب من الناس مهروف لدى الناس برجولته فيما من شانه ان يورث الضغناء والشحناء وما يدري على النفوس فهو بذلك يستحق وضيفه تاج المراجل سيكون له دور فعال وكبير في المجتمع في اشياء كثيره

  2. ٣
    زائر

    صح لسان الشاعرتوفيق المورقي قصيده وطنيه جزله اجاد فيها بيض الله وجهه والوطن يستاهل التغني فيه وقادته اطال الله في اعمارهم

  3. ٢
    مشهور السالم

    احب اللملكه والشعرفي معناانا عاشق وطن والفخر مالينيونحن نفتخر بطونيتك وقصيدتك الجزله والوطن يستاهلمنا جميعا نتغنى فيه فخراً

  4. ١
    شكراً صحيفة الوئام على هذا النشر الجزل

    شكراً صحيفة الوئام على هذه القصيدة الفاخره وصح لسان شاعرها ابداع